“Enterprise Uzbekistan” 2030-yilgacha 1000 ta kompaniyani jalb qilib, $5 mlrdlik eksportni amalga oshiradi Prezident Shavkat Mirziyoyev “Enterprise Uzbekistan” brendi ostidagi Raqamli texnologiyalar xalqaro markazini tashkil etish bo‘yicha rejalarni ko‘rib chiqdi. Markaz 2100-yilgacha maxsus huquqiy rejim asosida faoliyat yuritadi. Markazda yangi yechimlarni sinovdan oʻtkazish, ish haqini xorijiy valyutada toʻlash, xalqaro mehnat standartlarini joriy qilish, shaxsga doir maʼlumotlarni xalqaro standartlar va bulutli texnologiyalar asosida qayta ishlash imkonini beruvchi tartibga solish “qumdoni” joriy etiladi. Sun’iy intellekt, ilmiy-tadqiqot ishlari, startaplar va ma’lumot markazlariga katta e’tibor qaratadigan ushbu tashabbus intellektual mulk himoyasi, bojxona va soliq imtiyozlarini taklif etadi. 2030-yilgacha “Enterprise Uzbekistan” 1000 tagacha kompaniyani jalb qilish, 300 000 ish o‘rni yaratish va 5 milliard dollar eksportga erishishni maqsad qilgan. Bir qator yirik xalqaro texnologik kompaniyalar allaqachon ushbu tashabbusga qiziqish bildirgan. 🖥 Batafsil ma’lumot uchun maqolani to‘liq o‘qing: it-park.uz Telegram | Instagram | Facebook | Youtube | LinkedIn