29 сакавiка У 1611 годзе пачалося паўстанне ў Маскве супраць Уладзіслава Вазы. Нарадзіліся 1963 год: Сяргей Гумілеўскі, беларускі скульптар. Таксама сёння нарадзіўся савецкі і расійскі кінарэжысёр Станіслаў Гаварухін.                                               Народны каляндар Сёння праваслаўныя вернікі шануюць памяць пакутніка Савіна. Лічылася, што калі 29 сакавіка аб'ехаць вёску на возе, ва ўсіх справах чакае ўдача. Таксама па рыпе колаў высвятлялі, што чакае ў будучыні: калі скрыпіць пярэдняе левае, нехта ў сям'і захварэе, правае – будзе багацце, левае ззаду – наадварот, даўгі, а правае нязначна палепшыць фінансавае становішча. Калі на Савіна цёпла, то і вясна будзе цёплая. Калі вады многа, лета будзе дажджлівае.