«Ижик» - скульптура, Ижкарлэн талисманэз. Интыяськемын карлэн шор площадяз. Ижлэсь символзэ — Ижик пияшез-пуктыны малпан вордӥськиз «250 лет городу Ижевску — 250 добрых дел» проект улсын. Та учыр азьын городын ялэмын вал вуж усьтонъёсты бичан, кудъёсыз кӧня ке сюрс экземпляр люкамын вал, огъя секталаез 180 кг.Соосты «Ижсталь» предприятиын сталелитейной цехын фигура кисьтонлы кутӥзы. Скульптуралэн ӝуждалаез 1,5 метр луиз, солэн секталаез - 800 кг. Ижик революцилэсь азьвыл дӥсьёсын дӥсяськемын: Ижысь пыӵал-тӥрлык поттӥсьёслэн кафтанзы но цилиндр шляпа. Отын возьматэмын палэзьпу вай.Со озьы ик Ижкарлэн талисманэз луэ.