Aziz vatandoshlar, qadrli pedagoglar! Maktabgacha va maktab taʼlimi vazirligi jamoasi barchangizni bugungi qutlugʻ ayyom — Muborak Ramazon hayiti bayrami munosabati bilan samimiy muborakbod etadi. Xalqimizga xos boʻlgan insonparvarlik, mehr-oqibat, xayru saxovat va shukronalik timsoli boʻlgan ushbu ulugʻ ayyomda barcha yurtdoshlarimizning ezgu niyat va orzulari amalga oshishiga tilakdoshmiz. Yurtimizdagi tinchlik va xotirjamlik, xonadonlarimizdagi osuda hayot va faravonlik bardavom boʻlsin. Bayramlar bayramlarga ulanib ketayotgan bugungi farahbaxsh kunlarda barchani oʻylagan niyatlariga yetishini tilaymiz. Ramazon hayiti ayyomi barchamizga muborak boʻlsin! Bizni kuzating ❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin