⚽️XORAZMDA AYOLLAR FUTBOLI YANGI BOSQICHGA KO‘TARILMOQDA Xorazm viloyatida ayollar futbolini rivojlantirish yo‘lida muhim qadam tashlandi. “O‘zbek qahramon ayoli To‘maris” nomi ostida Xorazm ayollar futbol jamoasi tashkil etildi. Mazkur jamoaga viloyatimizning eng iqtidorli, intiluvchan va sportga mehr qo‘ygan yosh qizlari saralab olindi. Bu esa hududda ayollar futbolini yangi bosqichga olib chiqish, iste’dodlarni kashf etish va professional darajada rivojlantirishga xizmat qiladi. Jamoaga ayollar futboli boʻyicha istiqbolli mutaxassis — bosh murabbiy Sobirjon Mavlonberdiyev tayinlandi. Shuningdek, U-17 yosh toifasidagi qizlar jamoasiga Go‘zal Ahmedova bosh murabbiy sifatida faoliyat yuritib, yosh iste’dodlarni shakllantirishga alohida e’tibor qaratmoqda. ⚽️ Yangi tashkil etilgan jamoa a’zolari bilan Xorazm futbol assotsiatsiyasi birinchi vitse-prezidenti Maqsud Karimov uchrashuv o‘tkazdi. Uchrashuv davomida ayollar futboliga qaratilayotgan e’tibor, amalga oshirilayotgan islohotlar hamda yaratilayotgan sharoitlar haqida batafsil to‘xtalib o‘tildi. 📌 Ta’kidlanganidek, bugungi kunda ayollar futboli nafaqat sport yo‘nalishi, balki jamiyatda sog‘lom turmush tarzini targ‘ib qiluvchi, irodali va yetuk avlodni tarbiyalovchi muhim sohalardan biridir. ✅ Ayol bor joyda — mehr, mas’uliyat va halollik bo‘ladi. Shu bois ayollar futbolining rivoji sportga nisbatan yanada poklik, tartib va yuksak madaniyat olib kirishi bilan ham ahamiyatlidir. 📊 Kelgusida ushbu jamoa orqali nafaqat viloyat, balki respublika miqyosida yuqori natijalarga erishish, milliy terma jamoalar uchun munosib nomzodlar yetishtirish maqsad qilingan. ✅ Asosiy maqsad — Xorazmda ayollar futbolini tizimli rivojlantirish, yosh qizlarni sportga keng jalb etish va ularning iqtidorini yuzaga chiqarish 🧡 https://t.me/KhorezmFootballAssociation