Джеоргуыбайы бæрæгбон баст у Уастырджийы номимæ. Уый у ирон адæмы бардуаг. Сыгъдæг зæрдæйæ йæм чи фæкувы, уыдонæй алкæмæн дæр у æххуысгæнæг. Зæрдæйæ, уды хъæдæй кæнæ буарæй чъизи адæймаджы куывд Хуыцаумæ нæ хъуысы, цыфæнды дзырдарæхст куы уа, уæддæр. Нæ республикæйы цы æндæр адæмыхæттытæ цæры, уыдоны цæсты дæр Джеоргуыба кадджын у, æмæ йæм уыдон дæр æрвылаз табу кæнынц. Иумæ зæрдиагæй фæкувæм, фæбадæм, фæцин кæнæм. Бæрæгбон нæ æрбангом кæны, кæрæдзийæн фæкæнæм арфæтæ, хъарм ныхæстæ. Ацы бонты Ирыстоны алы хæдзары дæр уыдзæн æртæ чъирийы, бинонтæ сæхи фæдзæхсдзысты Уастырджийыл, æмæ алкæмæн дæр æххуысгæнæг уæд! Джеоргуыбайы хорзæх уæ уæд! Алы аз дæр уыл дзæбæхæй цæуæд! Видео: Алексей Битаров, «Фидæн».