11 -17 октябрь көннәрендә «Сәләт-Саба» клубы активистлары «Йолдызлы» сәләтле балалар һәм яшьләр ял итү һәм уку үзәгендә «Сәләт» клублары өчен XXII гамәли уку-укыту семинарында катнаштылар. Семинар кысаларында XI «Сәмрух» ел премиясенең «Ел клубы» номинациясенең финалистлары өчен «Бердәмлек» бәйгесе узды, сәлкешләр үзләрен төрле уеннарда сынап карадылар. Сәлкешләребез үз чыгышларын жюри әгъзаларына тәкъдим итеп, күргәзмә ясадылар. Икенче этапта финалистлар үз остаханәләрен күрсәттеләр. Шулай ук, төрле тренинглар һәм очрашуларда үз көчләрен сынадылар.