Энди бюгюн акъ таўлада кесим джангыз. Джеталмайын сюйгеними къатына, Къойгъанды деб ёмюрлеге мени сансыз, Узакъ джулдуз атагъанма атына. Энди бюгюн акъ таўлада кесим джангыз. Аман болуб ол джулдузну кёлюне, Ма тамблам да не сакълайд деб мени ансыз, Къарт адамча, сагъышлыма ёлюмге. Энди бюгюн акъ таўлада кесим джангыз. Унуталмай ол джулдузну аўазын, Тёгерекге кёрюнсем да керти джансыз, Алгъышлайма Къарачайны хаўасын. Энди бюгюн акъ таўлада кесим джангыз. Айталмайын инджиўюмю адамгъа, Джашаўуму иейим деб былай тангсыз, Джазыўчуча, джабышханма къаламгъа.