❤️олитва святому преподобному Евфимию, архиепископу Новоградскому, чудотворцу «😥, святителю Христов Евфимие! От юности твоея Христа возлюбил еси, и благодатию Его укрепляемь, вся плотская мудрования умертвил еси, чистым житием и кротким нравом угодил еси Господеви, и по благодати Его на престоле святительства был еси, и явился еси пастве Христовой великаго Новаграда пастырь изряден, полагая душу твою о стаде твоем, темже Пастыреначальник Христос и по смерти прослави тя подаянием чудес, от тебе истекающих, подая нам тебе образ добродетельнаго жития, и теплаго молитвенника. 🤣емже и аз грешный и унылый, припадая к раце мощей твоих, молюся тебе усердно: угодниче Христов, даждь ми руку помощи, воздвигни мя молитвами твоими из глубины греховныя, се бо волнами страстей плотских и уныния и иными тмочисленными житейскими треволнении обуреваяся погибаю. Буди убо мне многогрешному теплый ко Христу предстатель и молитвенник, да и аз от потопления греховнаго избавлен, ко пристанищу благоутишнаго жития благодатию Христовою достигну, и чистым, на конец житием прославлю Спасителя моего, кровию Своею мене искупившаго, и тако житие скончав, получу живот вечный, во славу Отца и Сына и Святаго Духа, ныне и присно и во веки веков. Аминь.» #молитва #святой #Евфимий #ЕвфимийНовоградский #архиепископ #преподобный #святитель #чудотворец #икона #религия #христианство #православие #церковь