🐟🎣Тараҕайга уолаттарга куйуур күрэҕэ тэрилиннэ Кулун тутар 29 күнүгэр Мэҥэ Хаҥалас улууһун Тараҕай нэһилиэгэр «Дети Манчаары» өрөспүүбүлүкэтээҕи уопсастыбаннай тэрилтэ уонна олохтоох дьаһалта көҕүлээһиннэринэн, СӨ Үөрэх министиэристибэтин уонна Мэҥэ Хаҥалас улууһун «Төрүт дьарык» федерациятын өйөбүллэринэн оҕолорго аналлаах II регионнааҕы «Куйуур Фест» күрэх ыытыллынна. Күрэххэ уопсайа 37 уолан араас улуус, өрөспүүбүлүкэ араас муннуктарыттан кэлэн көхтөөх кыттыыны ылла. Күн бастакы аҥарыгар куйуурдааһыҥҥа, салгыы бириэмэҕэ ойбону алларыыга күөн көрүстүлэр. Куйуурга оскуола оҕолоругар 14-гэр диэри 1 миэстэни – 5 киилэ 800 грам балыктаах, Бэдьимэ нэһилиэгиттэн Арчын Захаров, 2 миэстэни – 2 киилэ 100 грам балыктаах Моорук нэһилиэгиттэн Артем Жирков, 3 миэстэни – 4 киилэ 500 грам балыктаах Тараҕай нэһилиэгиттэн Миша Христофоров ылары ситистилэр. Куйуурга оскуола оҕолоругар 18-гар диэри 1 миэстэни – 13 киилэ 200 грам балыктаах Моорук нэһилиэгиттэн Кирилл Павлов, 2 миэстэни – 7 киилэ 100 грам балыктаах Тараҕай нэһилиэгиттэн Мирослав Порядин, 3 миэстэни – 6 киилэ 600 грам балыктаах Алтан нэһилиэгиттэн Тимур Сидоров ылары ситистилэр. Бириэмэҕэ ойбон алларыытыгар оскуола оҕолоругар 18-гар диэри Алтан нэһилиэгиттэн Тимур Сидоров 5 мүнүүтэ 9 сөкүүндэ иһигэр ойбон тэһэн, эргиэнэ 50 см диаметрдаах шаблону батары уган 1 миэстэни ылары ситистэ, Саха сирин бастыҥ ойбон алларааччытынан ааттанна. 2 миэстэ 5 мүнүүтэ 23 сөкүүндэнэн ойбону тэспит Мэлдьэхси нэһилиэгиттэн Андриан Петров, 3 миэстэ 5 мүнүүтэ 44 сөкүүндэнэлээх Сокольников Харысхан буоллулар. Ону таһынан, ордук улахан собону хаппыт Артем Жирков «Күөх боллох бэлэҕэ» уонна аҕыйах дэһээтэйинэн ойбон алларыытыгар 4 миэстэ буолбут Тараҕай нэһилиэгиттэн Максим Владимиров «Кыайыыга дьуллуур» анал аат буоллулар. Кыайыылаахтар мэтээллэринэн, грамоталарынан, анал бириистэринэн наҕараадаланнылар. Федор Белолюбский, "Дети Манчаары" өрөспүүбүлүкэтээҕи общественнай тэрилтэ бэрэссэдээтэлэ «Саха» НКИХ суруттар 📲 MAX | ✈️ Telegram | 💙 ВК | 📺 VK Видео | 📺 Rutube