Муңгарава🙏 Муңгаралдыг берге хүннер чуртталгада, Мурнун басчып, үне чүткүп таваржып кээр. Ойлап-дезер харык чокка боогдап кээрге, Ону эртер күчү-күжүң чүгле ботта. Сагыш дойлуп, саймааралдан бергедеп кээп, Сарыннанчыг хомудалдан ыстап-ондаар. Сүлде бадып, бүткүр ботту саргыда бээр, Сүзүк-биле чүткүп үнер шыдал ботта. Күзелдериң хөмүрээртир имистелип, Кызыгаар чок өртемчей-даа кызыыдап кээр. Карак чажы соксаш дивейн саалаза-даа, Кадыгланган өртемчейге дүжүп бербе. *** Чырык черге чаяаттынган үүлевисти, Чандыр баспайн чурттап эрткен кижи турбаан. Чемдигир, бак кара хүннер эрте бээрлер, Чоткан-шуурган човулаңны алгаш баарлар.