"Олук" бырайыак – кэскиллээх көрсүһүү! Бүгүн, улуустааҕы "Олук" бырайыак чэрчитинэн, 7-с кылаас үөрэнээччитэ Сергучев Арчын олус туһалаах көрсүһүүлэри оҥордо. Бастатан туран, Арчын Мэҥэ Хаҥалас улууһун Баайга-дуолга уонна сир сыһыаннаһыыларыгар управлениетын начальнига Сыроватская Айталина Викторовнаны кытта кэпсэттэ. Айталина Викторовна киэҥ ис хоһоонноох наставник быһыытынан, Арчыҥҥа управление үлэтин-хамнаһын сиһилии кэпсээтэ, тугу гыналларын ымпыгын-чымпыгын быһаарда. Салгыы, Айталина Викторовна сүбэтинэн, Арчын Мэҥэ Хаҥалас улууһун Нэһилиэнньэ көмүскэллээх буолуутун управлениетыгар сырытта. Бу тэрилтэҕэ үлэни, специалистэри, үлэ хайысхаларын биир дойдулаахпыт, үтүө сүбэһит Мария Николаевна сиэтэ сылдьан сиһилии көрдөрөн, кэпсээн, билиһиннэрдэ. Оҕоҕо олус интэриэһинэй уонна туһалаах буолла. Мария Николаевнаҕа оҕоҕо үтүө сүбэтин, кэрэхсэбиллээх кэпсээнин уонна болҕомтотун иһин улахан махталбытын тиэрдэбит! Маннык көрсүһүүлэр оҕолор инники идэлэрин талыыларыгар улахан көмө буолаллар.