Кулун тутар 17 күнүгэр Чурапчы улууһугар «Саарыннар үөрэхтэрэ: иитии эйгэтинэн айан» илин эҥэрдээҕи педагогическай десант-автопробег иһинэн «Иитии үлэтигэр методическай көрүүлэр уонна педагогическай дьарыктар» диэн өрөспүүбүлүкэтээҕи сэминээр – практикум үрдүк таһымҥа ыытылынна. Уопсайа сэминээргэ 127 педагог кыттыыны ылла. Кыттыыны ыллылар С.Н. Донской-2-с аатынан Үөрэҕи сайыннарар уонна идэ таһымын үрдэтэр институт иитии уонна эбии үөрэхтээһин кафедратын сэбиэдиссэйэ Сардана Васильевна Третьякова, “Оҕо саас сирдьиттэрэ” ресурснай киин дойдуга бэриниилээх буолууга иитиигэ бырайыактары уонна бырагырааммалары олоххо киллэрии салаатын сүрүн экспиэрэ Мария Ивановна Владимирова, "Дьоһуннааҕы кэпсэтии" Бүтүн Арассыыйатааҕы үөрэтии дьарыктарын олоххо киллэриини кэтээн көрөр Саха Өрөспүүбүлүкэтин тьютора, Хаҥалас улууһун С.П.Ефремов аатынан Булгунньахтаах орто оскуолатын аангылыйа учуутала, дириэктэр сүбэһитэ Виктория Алексеевна Олесова уонна Таатта, Мэҥэ Хаҥалас, Чурапчы улуустарын педагогтара. Сиһилии МКУ УО MAX  каналыгар https://max.ru/id1430002717_gos