Кулун тутар 26-27-28 күннэригэр СӨ култуураҕа уонна духуобунай сайдыыга министиэристибэтэ СӨ АТ "Олоҥхо Тыйаатыра" научнай методичекай уонна тас сибээскэ үлэҕэ Олоҥхо Киинэ тэрийиитинэн XXIX "Олоҥхо дойдутун оҕотобун" өрөспүүбүлүкэтээҕи бэстибээл күрэх буолан ааста. Сыала уонна соруга: үгэс быһыытынан олоҥхону толоруу утумун салҕааһын, толоруу сатабылын, оҕо айар дьоҕурун сайыннарыы уонна тарҕатыы. Күрэх оскуола иннинээҕи саастаах уонна оскуола оҕолоругар олоҥхону биирдиилээн, куолаан толоруу уонна дакылаат ааҕыы туһумэхтэринэн ыытылынна. Республикаттан араас улуустартан сүрдээх элбэх кыттааччы кэлэн кыттыыны ылла. Күрэх түмүгүнэн олоҥхону биирдиилээн толорууга оскуола иннинээҕи саастаах оҕолорго Харатааҕы "Кэрэчээн" детсад улахан бөлөх иитиллээччитэ Тастыгина Мэри бастакы истиэпэннээх үрдэл, салайааччы Попова Евдокия Гаврильевна, куолаан толорууга Майатааҕы "Мичил" детсад иитиллээччилэрэ бастакы истиэпэннээх урдэл, Төхтүрдээҕи "Мичил" оҕону сайыннарар киин иитиллээччилэрэ анал аат хаһаайыннара буоллулар.