👍 Кэптэнигэ волонтердар хосторо баар буолла Бүгүн Лөгөй нэһилиэгэр Кэптэнигэ “Волонтердар хосторун” үөрүүлээх быһыыга-майгыга арыйдылар. Нэһилиэк дьаһалтата дьаһалта дьиэтигэр хос биэрэн, өрөмүөн үлэтин волонтердар бэйэлэрин күүстэринэн оҥордулар. Бу туһунан волонтердары сүрүннүүр Мария Софронова кэпсиир: – Бүгүн хоспутун үөрүүлээх быһыыга-майгыга арыйан бары даҕаны астынныбыт, мантан инньэ бу сырдык, өрөмүөннэммит хоспутугар анал байыаннай дьайыыга сылдьар биир дойдулаахтарбытыгар көмөҕө ыытар ииспитин, онтон да арааһы оҥорорбутугар, хомуйарбытыгар мустуохпут. Кэптэнигэ билигин 19 волонтер баар. Бүгүн хоспут аһыллар күнүгэр арыылаах алаадьынан сыт таһааран, алгыспытын, үтүө баҕа санаабытын этэн, нэһилиэкпит баһылыгын кытта кэпсэтэн, инники былааммытын торумнаатыбыт. ✍️ Диана Седалищева 📹 Дмитрий Шарков 📲 Мах-каналбытыгар сурут 🌐 мюрюгазета.рф ✅ @uamurusahargata @ulusmedia