ДЬОКУТААТТАР СЭБИЭТТЭРИН 25-С УОЧАРАТТААХ СИЭССИЙЭТЭ Бүгүн, кулун тутар 30 күнүгэр, Мэҥэ Хаҥалас улууһун Дьокутааттарын сэбиэтин 25-с сиэссийэтэ буолан ааста. Мунньаҕы Дьокутааттар сэбиэттэрин бэрэссэдээтэлэ Иннокентий Андросов салайан ыытта. Сиэссийэҕэ улуус баһылыга Дмитрий Тихонов 2025 сыллааҕы үлэтин түмүгүн иһитиннэрдэ. Улуус инники сайдыытын соруктарын туруорда. «Мэҥэ Хаҥалас улууһа» муниципальнай оройуон Устаабын саҥа тутула ылылынна. Бу туһунан иһитиннэриини оройуон дьаһалтатын сүрүн исписэлииһэ Иннокентий Лыткин оҥордо. Майа сэлиэнньэтэ уонна Хара нэһилиэгэ икки ардыларынааҕы сир кирбиилэрэ чопчуланан бигэргэтилиннэ. Бу боппуруоһу Алексей Неустроев уонна Дария Назарова быһаардылар. Дьокутааттар сэбиэттэрин иһинэн "Ыччат палаататын" туһунан олохтоох бэйэни салайыныы, сэлиэнньэ уонна аграрнай бэлиитикэ, Ил Түмэн иһинээҕи Ыччат түмэнин кэмитиэтин бэрэссэдээтэлин эбээһинэһин толорооччу Алексей Петров эдэр дьону улуус олоҕор көхтөөхтүк кытыннарар суолтатын бэлиэтээтэ. Тыа хаһаайыстыбатын салалтатын салайааччыта Аркадий Лукин үүт бэлэмнээһинин уонна пастереллёз ыарыытын утары охсуһуу боппуруостарын кэпсээтэ. Ылыллыбыт быһаарыылар бары аһаҕас куоластааһынынан бигэргэтилиннилэр. Сиэссийэҕэ көрүллүбүт боппуруостар улуус инники сайдыытыгар тустаах суолу быһаардылар. Мэҥэ Хаҥалас улууһун дьаһалтатын пресс-сулууспата