Бүген без күренекле шагыйрә, татар эстрадасының күп кенә популяр җырлары авторы, якташыбыз Гөлчәчәк Садретдинованы юбилее белән котладык. Татар сүзен, шигъриятне, милли рухны саклаучы иҗат кешеләре бер төркем булып, Гөлчәчәк ханымга хөрмәтен белдерергә килде. Гөлчәчәк Садретдинова — татар шигъриятендә үз урынын алган, җыр сүзләре белән милли эстрадабызны баеткан шәхес. Аның шигырьләре буыннарны бәйли, йөрәкләргә үтеп керә. Шагыйрьләр бердәмлегенең аны котларга килүе — чын иҗади дуслык, хөрмәт һәм бердәмлек үрнәге. Гөлчәчәк ханымга сәламәтлек, озын гомер, якыннарының кадер-хөрмәте һәм яңа иҗади уңышлар телим.