❓«ЧАВАЙ ЖУЗАЗВА» рубрикадай   СУАЛ: «Яд» гафунин актив падеждин кIалуб «ци» я. Бес гзафвилин кьадардин «ятар» гафунин актив падеждин кIалуб гьикI жеда: ятари ва я цери?   ЖАВАБ: Фадлай тестикь хьанвай ва къени къуватда авай къайдайрал асаслу яз, лезги чIала «яд» гафунин гзафвилин кьадардин падежрин кIалубар ихьтинбур я: ятар – ятари – ятарин – ятариз…   ❗️Теквилин кьадарда: яд — ци — цин — циз... АЛАВА КЪЕЙД: Чавай ЯТАРИ кIалубдин чкадал ЦЕРИ ишлемишзавай дуьшуьшар (месела, нугъатра) авач лагьана якъиндиз тестикьариз жедач. Кхьинра чIурукIа падежриз дегишнаваз гьалтзавай дуьшуьшар, чна авур ахтармишунрал асаслу яз, авачиз туш. Мисал патал чаз малум кьве дуьшуьш гъизва:   1) Шаир И. Къадимован шиирда: «Зегьерламиш жедай кIахар ирид юкъуз церик кутаз, Куьтен галаз кьве яцралди шимехъанра цайид я, дуст».   2) Шаир Къ. Рамазанован макъалада: «Хуьруьн къерехда эцигнавай церин карханадин аваданламишнавай кIвалер гьич алай чкани чир тежедайвал барбатIнава».   Амма и кьве дуьшуьшдани къелемчийри (я чиз-чиз, я чин тийиз) гъалатIдиз рехъ ганва.   #ЧавайЖузазва #Морфология   📗«ЛЕЗГИ ЧIАЛ (Лезгинский язык)»