Гьанжесев инсанасул гIумру нилъеда цебе чIезабизе кIоларо электричество гьечIого. Рокъоб канлъиги, хинлъиги, рахIатги-гьеб кинабго нилъее кьола энергетиказ. Кьварараб хасалил заманалдаги, гIазу бан, цIер чIван, гьури бахъун, пири пирхун токалъул кваразе жагъаллъи кканиги, къаси-къад батIалъи гьечIого гьениреги рортула энергетикал. Нилъер рукъзабахъе канлъигун хинлъи кьей гуребги, гьезул захIматаб хIалтIул хIасилалдалъун, минабазухъе бачIинабула парахалъиги, берцинлъиги. Биччанте квараздасан унеб ток гIадин, нужер рокъобе талихI- рохел чвахизе, хIалтIи цебе тIун ине, риччанте, нужер щивасе щолел харжал цIикIкIине, премиял гIемерлъизе, токалъул хIубазде рахунел ругониги, кварал къачIалел ругониги, кибго, сундулъго нуж Аллагьас цIунун хутIизе. Щивасе гьарула хинал кабинеталги, авариял ккечIого, гьоркьоса къотIичIого бачIунеб токги. Нужеца халкъалъе кьолеб канлъи гIадин, кунчIун аги нужер гIумру. Амин. https://t.me/zahmatchi/1433