#Суол_иис ❗️«Аартыка суоллара» ХТ Орто Халыматааҕы филиалын салалтата иһитиннэрэринэн, кыһыҥҥы суол муус устар 20 күнүгэр сабыллара былааннанар. 🚛Күн-дьыл эрдэ ириэриэх курдук буоллаҕына, болдьоххо хамсааһыннар тахсыахтарын сөп. Муус устар 10 күнүттэн, муус уйуга, 30 туоннаттан — 20 туоннаҕа, 15 күнүттэн 15 туонна ыйааһыҥҥа диэри түһэрэ былааннанар. Быйыл тэрилтэҕэ икки улахан тиэхи- ньикэ (Кировец , КАМАЗ-Мусоровоз) ылыллан Дьокуускай куораттан айаннаан иһэллэр. 🗑️Бу күннэргэ айан суолларыгар, дьон тохтоон, сынньанан ааһар сирдэригэр бөҕү харайар контейнердар туруорулуннулар. Бу хамсааһын тэрилтэ эппиэтинэһигэр, хааччыйыытыгар киирэр. Суолга-иискэ халтараан кэм турбутунан, үрэххэ киирии-тахсыы сирдэригэр анал үлэлэр ыытыллаллар. Кэлэр нэдиэлэттэн, сайыҥҥы кэмҥэ туһуланар, гравий, кумах хостуур, тиэйэр үлэ саҕаланыаҕа. Иһитиннэриини хааһынай тэрилтэ маастара Владимир Поличук биэрдэ. Саргылана Кокорина @khalymadolgunnara @ulusmedia