Эбелалъул къо-День матери Азарго баркиял нус - нус сайгъатал, Сахаватго кьела жакъа улбузе. Кьер - кьер кьолел т!угьдул, квац!иял гьарун, Киназго улбузе рикьила жакъа. Цо жакъа къо гуреб, бач!анщинаб къо, Эбелалъул буго гьаб дуйнялалда. Гьелъул кверзул хинлъи, берзул балагьи Х!ажат гуреб лах!зат ракьалда гьеч!о. Эбелалъ т!олабго хинлъи жаниб лъун, Т!алабазул бала нилъеда юргъан. Чорхол жанги рух!ги, барахщич!ого, Майилан кьола гьез лъимазе г!оло. Бищунго лъимазе хирияб сапар, Эбелгун - инсухъе унеб нух буго. Эбелалда цебе рас хъах!лъаниги, Даимго гьит! инал лъимал руго нилъ. Нилъер рек!ел т!угьдул, хириял улбул, Нужее налъулал руго ниж даим. Ургъич!ого кколел гъалат!аздаса, Т!аса лъугьа, улбул лъималаздаса. Алибегова Анисат - Экскурсовод МК «Белые журавли»