Джусойты Нафи райгуырдис 1925-æм азы 27 февралы Къуыдаргомы, Ногхъæуы ныры Дзауы районы. Бæркадджын æмæ мидисджын бынтæ ныууагъта Нафи йæ уарзон адæмæн. Ирон адæмы культурæ зынгæ фæхъæздыгдæр йæ æрмдзæфы руаджы. Бирæкъабазджын у йæ сфæлдыстадон фæллой: прозæ, драматурги, поэзи, тæлмац, публицистикæ, иртасæн æмæ зонадон уацтæ… Нафийы ном зындгонд у æппæтдунейы ахуыргонд минæвæртты хсæн. Уыимæ æнæкæрон бирæ уарзта йæ райгуырæн зæхх, йæ адæмы. Мæ зæхх! Дæ фарн æмæ дæ цытæн Мæ сонт уд заргæ-зарын хъардтон. Лæгау дæ фæндагыл цыдтæн Æмæ сыл царды фæрæз ардтон. («Ныхас Ирыстонмæ»)