🎙 Закласці асновы нацыянальнай ідэнтычнасці. Стваральнікі беларускамоўнай разумнай калонкі ADAM распавядаюць пра праект — Мы ствараем ADAM — першую разумную белаурскамоўную калонку. Гэта дэвайс, які аб’яднае беларускамоўны кантэнт і сэрвісы ў адзіную персаналізаваную экасістэму. Галоўная мэта праекта — дапамагчы беларусам захаваць нацыянальную культуру і ідэнтычнасць. Улічваючы, што Apple, Amazon і Google пакуль не падтрымліваюць беларускую мову ў сваіх калонках і наўрад ці калі-небудзь гэта зробяць, а таксама зважаючы на тэмпы развіцця штучнага інтэлекту, цяпер найлепшы час распачаць працу над стварэннем такога дэвайса для беларусаў. У перспектыве калонка можа працаваць і для іншых моў з невялікай колькасцю носьбітаў. Што ўжо ўмее калонка? Дэвайс можа адказваць на любыя пытанні дзякуючы ChatGPT, прайграваць беларускія калыханкі, паведамляць пра надвор’е, ставіць таймер, іграць музыку з вашага Spotify. У бліжэйшы час плануем інтэграцыю з сэрвісам дзіцячых аўдыёкніг «Кніжны Воз». Гэтыя функцыі былі ст...