Соахка Мархий бутт чакхбаьлча дуӀаш дора вай, вӀаший ловцаш а доахар, «вай могаши маьршеи долаш ер ха юха йоагӀийла вайна» яхаш. Далла ба хоастам! ХьатӀаера вайна ер хоза ха. Дуккха вай бусалба вежарий йижарий дӀакхелхаб бакъача дуненга ер Рамадан хьатӀабалехь. Дала гешт долда царна. Дукхбараш цамогаш болаш нийсбеннаб укх хана чухьа. Дала моаршал лолда царна! Чакхдаьлар укх шерарча Мархий бетта хьалхара ди. Дала къоабала йойла вай Ӏамал.