ДРялъул хlукуматалъул нухмалъулев Гlабдулмуслим Гlабдулмуслимов Дагъистаналъул бетlер Сергей Меликовасул тlадкъаялда рекъон, чвахунцlадалъул хlасилалда зарал ккараб Хасавюрт районалъул росабалъе щвана. Хасавюрт районалъул чанго росдал гlадамал нахъе рачана ва заманаялъ гьезие хlадур гьабураб санагlатаб бакlалда руго. Хlукуматалъул нухмалъулес хал гьабизе буго зарал ккарал росабазул, къимат кьезе буго гьениб гьабулеб хlалтlуе. Хасаб кlвар кьолеб буго тlабигlияб балагьалъ гьабураб заралалдаса хадуб хехаб къагlидаялда гlадамазе кумек гьабиялъул суалазде.