Ассаламу гlалайкум, хlурматиял магlарулал! Республикаялъул чанго шагьаралде нахъeги тlупан тlуна. Арал гlодоркъояз бараб цlадалъ зарал гьабуна гlодоблъиялда ругел ракьазе. Цlад къотlана. Амма гьелъ гьабураб заралалъул хlасил кутакаб хутlана. Махlачхъала ва чанго район хутlун букlана ток гьечlого. Цо-цоязул минабахъе иххги канцlун, гьелъ щущазабуна гьезул магlишат къайи-цlа, гlумруялъ данде гьабун букlанщинаб жо. Чанги чи хутlана жанибе бетlер бегьизе бакlги гьечlого. Гьезие жиндир заманалда квербакъана Дагъистаналъул хlукуматалъ, жавабиял министерствабаз, гурхlел бугел предпринимателазгун фондаз. Гьезие кумекалъе Инсан ва цогидал фондаз лъазарун руго гlарац бакlариялъул акциялги. 🤲Аллагьас кумек гьабеги къварилъи ккаразе. Нагагьал балагьаздаса цlунаги! Къварилъи ккаразул ракlал чучаги. Дунялалъул ургъелал бигьа гьареги Аллагьас.