O‘zbekiston Madaniyat va san’atni rivojlantirish jamg‘armasi hamda FOCUS kinematografiya va teatr san’ati maktabi hamkorligidagi «OCHIQ QADAM» maxsus inklyuziv loyihasining birinchi bosqichi yakunlandi ​Qulay madaniy muhitni rivojlantirishda muhim bosqichga aylangan ushbu loyiha, nogironligi bo‘lgan shaxslarning raqamli kontent yaratish va mobilografiya sohasidagi ijodiy salohiyatini ro‘yobga chiqarishga qaratilgan ​«OCHIQ QADAM» loyihasi O‘zbekiston tomonidan 2021-yilda ratifikatsiya qilingan BMTning Nogironlar huquqlari to‘g‘risidagi konvensiyasi bo‘yicha majburiyatlarni bajarish doirasida amalga oshirilmoqda ​Intensiv tayanch kursi davomida 18 yoshdan 45 yoshgacha bo‘lgan 33 nafar ishtirokchi (eshitish va ko‘rish qobiliyati zaif, tayanch-harakat a’zolari shikastlangan hamda mental nogironligi bo‘lgan shaxslar) zamonaviy ijtimoiy tarmoqlar va ular uchun dolzarb kontent yaratish olamiga sho‘ng‘idilar. Dastur Respublika bolalar kutubxonasida haftada ikki marta o‘tkazilgan 10 ta mashg‘ulotni o‘z ichiga oldi ​Mashg‘ulotlar o‘zbek va rus tillarida, surdotarjima xizmatidan foydalangan holda olib borildi. Tashkilotchilar jarayonning to‘liq qulayligini ta’minladilar: birinchi guruh nogironligi bo‘lgan ishtirokchilar uchun transport tashkil etildi ​Yakuniy uchrashuvda ishtirokchilar o‘z bloglari konsepsiyasi bo‘yicha taqdimotlar qildilar. Shundan so‘ng barchaga sertifikatlar va esdalik sovg‘alari topshirildi ​Loyiha doirasidagi o‘quv kurslari mutlaqo bepul amalga oshirildi. «OCHIQ QADAM» ijtimoiy tarmoqlar va raqamli makon o‘zini namoyon qilish yo‘lida qadam tashlashga tayyor bo‘lgan har bir kishi uchun ochiq ekanligini tasdiqlaydi