Евангелие От Марка, которое будет читаться за богослужением в воскресение 2 / 15 марта: Зачало 37 *** И́же хо́щет по Мне ити́, да отве́ржется себе́. И во́змет крест сво́й, и по Мне гряде́т. И́же бо а́ще хо́щет ду́шю свою́ спасти́, погуби́т ю. А и́же погуби́т ду́шю свою́ Мене́ ра́ди и Ева́нгелия, то́й спасе́т ю. Ка́я бо по́льза челове́ку, а́ще приобря́щет мир весь, и отщети́т ду́шю свою́, или́ что даст челове́к изме́ну на ду́ши свое́й; и́же бо а́ще постыди́тся Мене́, и Мои́х слове́с, в ро́де сем прелюбоде́йнем и гре́шнем, и Сын Челове́ческий постыди́тся его́, егда́ прии́дет во Сла́ве Отца Своего́ со а́нгелы святы́ми. И глаго́лаше им, ами́нь глаго́лю вам, я́ко суть не́цыи от зде стоя́щих, и́же не и́мут вкуси́ти сме́рти, до́ндеже ви́дят Ца́рствие Бо́жие прише́дшее в си́ле.