МЕНГА ХУШХАБАР АЙТ... Менга хуш хабар айт, ёлғон бўлса ҳам… Дарду машаққатлар ўтгайдир бари, Ўксима, оёққа тургайсан, деб айт. Умрингнинг фараҳбахш, тотли онлари Ҳали олдиндадир, кўргайсан деб айт. Менга хуш хабар айт, ёлғон бўлса ҳам... Дўстларинг бордир-ку ҳали дунёда, Сени кулфатларда қолдирмас деб айт. Ёвузлик бўлса ҳам ҳаддин зиёда Сени чангалига олдирмас, деб айт. Менга хуш хабар айт, ёлғон бўлса ҳам… Олис муҳаббатинг юрибди дегил. Сарғайган дафтарин варақлаб пинҳон, У сени тушида кўрибди дегил. Менга хуш хабар айт, ёлғон бўлса ҳам… ✍Абдулла Орипов 🎤Дильшод Умаров https://t.me/dilshoddavlatovich Telegram|Instagram|YouTube