Элгээйи бэтэринээрнэй учаастагын үлэһиттэрэ Мария Саввинова, Раиса Иванова, Лена Прокопьева Тириэтэйгэ тахсан саха ынахтарыгар былааннаах үлэлэрин ыыттылар. Үһүс сылын биэс сүөҺү хотоҥҥо киирбэккэлэр таҺырдьа кыстаатылар, кэлэн далга аҺыы аҺыылар ойуурга хахха сири булан хоно сылдьаллар. Саха сүөһүтэ эт-үүт бородууксуйата хайысхалаах аборигеннай боруода сүөһү буолар. Кини киһи селекционнай орооһуута суох бэйэтэ айылҕаттан үөскээбит сүөһү буолар. Саха норуота XII үйэҕэ көспүтүгэр тымныыны, аһылык тиийбэтин тулуйар кыахха адаптацияланан үөскээбит сүөһү. Саха сүөһүтэ кыра уҥуохтаах, киппэ көрүҥнээх, кылгас атахтаах, уһун, хойуу түүлээх. Уһун, хойуу түүтэ сүөһү этин-сиинин бүтүннүү бүрүйэр буолан, эмиийин, крестеһин кытта бүрүйэн, тыйыс тымныыларга халыҥ хахха буолар. Саха сүөһүтэ үчүгэй физическай көрүҥүн сүтэрбэккэ -60 °C кыраадыска дылы тымныыны тулуйуон сөп. Маны учуонайдар суруйалларынан NRAP ген мутация түмүгэр уларыйбыта буолуон сөп дииллэр