#Tabrik Bugun Toshkent davlat yuridik universiteti Oʻquv ishlari boʻyicha prorektori, yuridik fanlari doktori, professor Rustambekov Islambek Rustambekovich oʻzlarining tavallud ayyomlarini nishonlamoqdalar. Universitet jamoasi Islambek Rustambekovichni ishning koʻzini biladigan ajoyib tashkilotchi, adolatparvar rahbar, shogirdlariga toʻgʻri yoʻl koʻrsatuvchi, maslahatlarini ayamaydigan sevimli ustoz, maslakdosh, samimiy va oqkoʻngil inson sifatida biladi. Islambek Rustambekovich koʻp yillardan beri yosh huquqshunoslarni tayyorlash bilan birga, yuridik fan va taʼlimni takomillashtirish, davlat va jamiyat rivojiga, fuqarolarning huquqiy ongi va madaniyatini yanada yuksaltirishga oʻzlarining salmoqli hissalarini qoʻshib kelmoqdalar. Toshkent davlat yuridik universiteti jamoasi Islambek Rustambekovichni samimiy muborakbod etib, uzoq umr, sihat-salomatlik, kelgusi faoliyatlariga kuch-gʻayrat tilab qolamiz. @hrtsul