Ассаламу Iалайкум варахьматуллахI, АллахIагара салам-моаршал хилда шоана, лерхIаме хьатIаязденнараш! «Даьй мотт» яха студи хьайийлачахой ши бIаь ах бIа гаргга берийкино кийчдаьд вай гIалгIай меттала. Царех цхьадараш юххьанца хьадешше гIалгIай къаман долаш берийкинош а да. Тхо долалуча хана нахагара ахча а даьккха дIаболабаь болх бар ер. ТIехьагIа, Даьла къахетамца шо, гIончий оарцагIа а дайна оаша деш дола новкъостал бахьан долаш таханарча денга хъьакхаьчаб ер болх. Дале а ма хетта ер болх дIахо бахьа кхоачам бац, рузкъа таац, цудухьа дIадоладаь латташ дола берийкинош дIачакх а даьха цхьан юкъа соцабе лаьрхIад оаха ер болх. Бакъда, тIехьагIа цхьа аьттув баьнна хIама хуле дIахо къахьегаргда вай. АллахI раьза хилва шоана хIараненна шо тхоца хиларагI. Ахчанца а, дешаца а, кхыча хIаманца а укх проекте юкъе дакъа мел лаьцачарна Даьла раьза хилва шоана. Шо бахьан долаш лаьтта проект я ер. Могаш-маьрша дахалда шо!