إنا لله وإنا إليه راجعون, اللهم اغفر له وارحمه وأسكنه الله في فسيح جناته Г1алимчи хвей, т1убараб халкъ хвеялда бащалъулеб иш буго. Жакъа гьаб хирияб рамазан моц1алъул марк1ач1ул г1ужалда Аллагьасухъе накълулъана, Шафиг1ил мазгьабалъул к1удияв г1алим, факъигь, усулияв имам Мух1аммад-х1асан Гьиту, Сириялъул Димашкъ шагьаралда гьавурав 10.10. 1943 соналъ 11.11.1362 гьижрияб. Гьединго гьес нахъе тана г1емераб г1елму ва Исламгун диналъе к1удияб хъулухъ, 108 т1ехь жинца жиндир квералъ хъванин абуна гьес хвелалде цодагьа цебеккун къояз. Гьединго гьес Индонезиялда г1уц1ана Исламияб университет имам Шафиг1иясул ц1аралда бугеб, ва гьаб видеоги буго гьеб университеталда бук1араб гьесул чанго моц1алъ цебе гьабураб калам. Аллагьас гьаб динги, шариг1атги, ах1камалги ц1унула гьадинал г1алимзабаздалъун ва гьезул баракаталдалъун. Аллагьас жазаъ гьабеги гьесие гьаб умматалъе гьабураб хидматалъухъ бищун т1адег1анаб Алжаналъул даража ва Аварагзаби асх1абзаби, шугьадаалгун салих1уназда аск1о, Амин 🤲 Хвана 06.09.1447 - 24.02.2026 сон.