Раиля Тимофеева пишет: 🌙Рамазан аеның соңгы көнендә район башлыгы Ленар Фәрид улы Нургаянов ифтар ашы уздырды. Бу – бик күркәм һәм саваплы гамәл. Мәҗлескә Актаныш, Менделеев районнары имам-мөхтәсибләре, районыбыз имамнары, җитәкчеләр, уллары махсус хәрби операциядә катнашучыларның әти-әниләре, ураза тотучы дин кардәшләребез чакырылган иде. Аларны район имам-мөхтәсибе Габделкәрим хәзрәт Гыйззәтуллин сәламләде. Чара барышында тәрбияви вәгазьләр сөйләнде, изге теләкләр әйтелде, догалар кылынды. Бик күркәм һәм саваплы мәҗлескә чакырып , эчкерсез хөрмәт күрсәткән район башлыгына килгән һәр кунак зур рәхмәтен җиткерде. – Бүгенге мәҗлестә күрсәтелгән ихтирам һәм зур игьтибар озак вакытларга җитәрлек күңел яктылыгы калдырды, – диде әнием Гүзәлия Әзиятова да. Ленар Фәрид улы хөрмәт итеп килгән һәр кешегә тирән рәхмәтен белдерде. Барчабызга нык сәламәтлек, сабырлык, гаилә бәхете, күңел тынычлыгы, илләребезгә тынычлык теләде.