Laylatul qadr kechasi qilinishi kerak boʻlgan eng afzal 10 ta amal Bu tun 1000 oydan afzal. (Qadr surasi, 3-oyat). Bir kecha ichida 83 yil ibodat qilgandek savob yoziladi. Allohning eng oliy rahmat eshiklari ochiladigan bu tunda qilinishi kerak bo‘lgan 10 ta amal: 1️⃣ Gunohlardan tozalaning Payg‘ambarimiz ﷺ: “Kim Laylatul Qadrni iymon bilan va savob umidida o‘tkazsa, o‘tgan gunohlari kechiriladi.” (Buxoriy, Muslim) — Yashirin gunohlaringiz bormi? Bugun Allohdan kechirim so‘rab, butunlay tark eting. 2️⃣ Tahajjudga turing Bu kecha qiyom kechasidir. Kim tahajjudga tursa, Alloh uni do‘zaxdan ozod qiladi. 3️⃣ Qur'on oʻqing Bu kecha Qur’on nozil bo‘lgan. (Qadr surasi, 1-oyat). Qur’on tilovat qiling, ma’nosini o‘rganing. 4️⃣ Duo qiling Oysha (r.a.) ga Paygʻambarimiz (s.a.v ) agar qadr kechasini topsa, ushbu duoni oʻqishini aytgan: “Allohumma innaka ‘afuwwun tuhibbul ‘afwa fa‘fu ‘anni”. 5️⃣ Zikr va salovotni koʻpaytiring “Subhanalloh”, “Alhamdulillah”, “Allohu Akbar”, “La ilaha illalloh” kabi zikrlarni tinimsiz ayting. Payg‘ambarimizga ﷺ salovot yo‘llashni unutmang. 6️⃣ Sadaqa bering Rasululloh ﷺ eng saxovatli odam edilar, Ramazonda esa yanada saxovatli bo‘lib ketardilar. (Buxoriy) — Bu kechada miskin, yetim yoki muhtojga sadaqa bering. 7️⃣ Ota-onangizni xursand qiling. Payg‘ambarimiz ﷺ: “Ota-onaning roziligi – Allohning roziligi.” (Ibn Moja) — Ularga sovg‘a qiling, shirin so‘z bilan gapiring, duo qildirib oling. 8️⃣ Yigʻlab, yurakdan soʻrang Alloh taolo bu kechada duo qiluvchini rad etmaydi. Siz uchun eng muhim bo‘lgan narsa nima? Shuni chin dildan so‘rang. 9️⃣ Ilm oʻrganing va oʻrgating Bu kechada olgan ilm hayotingizni o‘zgartirishi mumkin. Hadis o‘qing, ilmiy ma’ruza tinglang, boshqalarga o‘rgating. 🔟 Taqdiringizni oʻzgartiring Bu kechada kelasi yilgi taqdirlar yoziladi. (Duxon surasi, 3-4-oyatlar). Yashayotgan hayotingizdan rozi emasmisiz? Bugun Allohdan taqdiringizni yaxshilashni so‘rang. Bu fursat bir yilda faqat bir marta keladi. Shunday imkoniyatni qo‘ldan boy bermang! 🕊Telegram |📱Instagram 📺 YouTube |📱Facebook