Shayxontohur tumanidagi 192-sonli umumta’lim maktabi o‘quvchilari Maktabgacha va maktab ta’limi vazirligi tomonidan amalga oshirilayotgan “Kelajak uchun xorijiy til” loyihasi doirasida tashkil etilgan speaking (og‘zaki) imtihonida ishtirok etdi. Mazkur imtihon jarayonidan so‘ng o‘quvchilarning fikrlari ham o‘rganildi. Ularning ta’kidlashicha, speaking imtihoni savollari qiziqarli va hayotiy mavzularga asoslangan bo‘lib, o‘z fikrlarini erkin ifoda etish imkonini berdi. O‘quvchilar imtihon jarayoni shaffof va adolatli tashkil etilganini alohida e’tirof etib, bunday sinovlar ularning xorijiy tilga bo‘lgan qiziqishini yanada oshirishini bildirishdi. Shuningdek, ular ushbu loyihada ishtirok etish orqali o‘z bilim va ko‘nikmalarini sinab ko‘rish imkoniyatiga ega bo‘lganliklarini ta’kidladilar.