#Kelajak_soati 🌐 Shayxontohur tuman 192- maktabida an’anaga aylangan dushanba kungi birinchi soat — “Kelajak soati” darslari navbatdagi qiziqarli mavzu bilan mazmunli tarzda tashkil etildi. 🟢 Maktabimizning barcha sinflarida sinf rahbarlari tomonidan “O‘zbek madaniyati — milliy o‘zligimiz ko‘zgusi” mavzusida ochiq muloqotlar olib borildi. Dars davomida o‘quvchilarga o‘zbek xalqining boy tarixi, asrlardan asrlarga o‘tib kelayotgan nodir urf-odatlarimiz va mehmondo‘stlik an’analari haqida batafsil ma’lumotlar berildi. 🎬 Mashg‘ulotlar davomida milliy hunarmandchilik, amaliy san’at va boy madaniy merosimizga oid videolavhalar namoyish etildi. O‘quvchilar bilan ajdodlarimiz qoldirgan ma’naviy xazinani asrab-avaylash hamda jahon sahnasida milliy madaniyatimizni munosib namoyon etish yuzasidan qiziqarli fikr almashuvlar bo‘lib o'tdi. ✨ “Madaniyatli inson — vatan fidoiysi!” tamoyili asosida o‘tgan darslar o‘quvchilarda milliy g‘urur va an’analarimizga hurmat hissini yanada kuchaytirdi.