#yashashinguchun Чумолидай ҳақир хилқатман. Э воҳ, Чумолини ҳақир дедимми, кечир... Қандай ғофилманки, йўл бошдан, Аллоҳ, Бир ҳақир бўлмаган эдимми, кечир!.. Йўл босиб боряпман чумоли каби, Коинот ичида ғарибдан ғариб. Лутфингга зор эрур қақраган лабим, Чексиз саҳродаман Сени ахтариб... Эрта ҳузурингга борарман кириб, Сафарнинг зулмидан хор-у саргардон. Бу қадар нотавон қулингни кўриб, Раҳмат ила назар солгил ўшал он... Йўқса, яна қайга кетаман, ахир, Кимнинг оёғига ураман бошим?! Пешонаси шўр-у, коми талх – тахир, Қулинг гуноҳ ичра тўкмоқда ёшин... Акром Малик