👼Тропарь воскресен, глас 1: (Знаменный распев) Ка‌мени запеча‌тану от иуде‌й / и во‌ином стрегу‌щим Пречи‌стое Те‌ло Твое‌, / воскре‌сл еси‌ тридне‌вный, Спа‌се, / да‌руяй ми‌рови жизнь. / Сего‌ ра‌ди Си‌лы Небе‌сныя вопия‌ху Ти, Жизнода‌вче: / сла‌ва Воскресе‌нию Твоему‌, Христе‌, / сла‌ва Ца‌рствию Твоему‌, / сла‌ва смотре‌нию Твоему‌, еди‌не Человеколю‌бче. ☦Тропарь и кондак прп. Марии Египетской (в изложении К. Миронова) Тропарь, глас 8: В тебе́, ма́ти, изве́стно спасе́ся, е́же по о́бразу,/ прии́мши бо крест, после́довала еси́ Христу́/ и, де́ющи учи́ла еси́ презира́ти у́бо плоть, прехо́дит бо,/ прилежа́ти же о души́ ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой. Кондак, глас 3: Блуда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ а́нгельское жи́тельство подража́ющи,/ де́мона креста́ ору́жием погубля́ет.// Сего́ ра́ди Ца́рствия неве́ста яви́лася еси́, Мари́е пресла́вная. 📯Херувимская песнь (Византийский распев) И‌же Херуви‌мы та‌йно образу‌юще, и животворя‌щей Тро‌ице трисвяту‌ю пе‌снь припева‌юще, вся‌кое ны‌не жите‌йское отложи‌м попече‌ние. Я‌ко да Царя‌ всех поды‌мем, А‌нгельскими неви‌димо дориноси‌ма чи‌нми. Аллилу‌иа ☦Милость мира (пропеваемая часть Евхаристической молитвы) (Киевский распев для Литургии свт. Василия Великого. Одноголосное с исоном) Хор: Милость мира, Жертву хваления. Иерей: Благодать Господа нашего Иисуса Христа, и любы Бога и Отца, и причастие Святаго Духа, буди со всеми вами. Хор: И со духом твоим. Иерей: Горе имеим сердца. Хор: Имамы ко Господу. Иерей: Благодарим Господа. Хор: Достойно и праведно есть покланятися Отцу и Сыну и Святому Духу, Троице Единосущной и Нераздельней. Иерей: Победную песнь поюще, вопиюще, взывающе и глаголюще: Хор: Свят, Свят, Свят Господь Саваоф, исполнь Небо и земля славы Твоея; осанна в вышних, благословен Грядый во Имя Господне, осанна в вышних. Иерей: Приимите, ядите, Сие есть Тело Мое, еже за вы ломимое во оставление грехов. Хор: Аминь. Иерей: Пийте от нея вси, сия есть Кровь Моя Новаго Завета, яже за вы и за многи изливаемая во оставление грехов. Хор: Аминь. Иерей: Твоя от Твоих Тебе приносяще о всех и за вся. Хор: Тебе поем. Тебе благословим, Тебе благодарим, Господи, и молим Ти ся. Боже наш. 🌷О Тебе радуется. 🔤🔤Греческий распев 🔤🔤Греческий распев в гармонизации  П. Чеснокова оp. 49 в изложении Н. Римского-Корсакова О Тебе‌ ра‌дуется, Благода‌тная, вся‌кая тварь, А‌нгельский собо‌р и челове‌ческий род, освяще‌нный хра‌ме и раю‌ слове‌сный, де‌вственная похвало‌, из нея‌же Бог воплоти‌ся и Младе‌нец бысть, пре‌жде век Сый Бог наш.Ложесна‌ бо Твоя‌ престо‌л сотвори‌. И чре‌во Твое‌ простра‌ннее небе‌с соде‌ла. О Тебе‌ ра‌дуется, Благода‌тная, вся‌кая тварь, сла‌ва Тебе‌. #Богови_воспоим