Урматтуу жүргүнчүлөр! 6 жаштан 17 жашка чейинки балдар үчүн авиакомпания кызматкерлеринин коштоосу кызматын тариздөөдө (ата-энелерге/мыйзамдуу өкүлдөргө) төмөнкү талаптарды милдеттүү түрдө маалымдоону суранабыз: 1. Узатуучу тарап учак иш жүзүндө учуп кеткенге чейин аэропортто болуп, аба кемеси асманга көтөрүлгөнгө чейин аэропорттун аймагынан кетпөөгө милдеттүү. 2. Каршы алуучу тарап аэропортко алдын ала келип, рейс келген учурда баланы өз убагында тосуп алууга тийиш. 3. Авиакомпания жашы жете элек жүргүнчүнү жөн гана ташуу мезгилинде — учуп чыгуу аэропортунан баруучу аэропортко чейин гана коштоп жүрөт. 4. Учуп кетүүдө авиакомпания өкүлүнө өткөрүп бергенге чейин жана келгенден кийин баланын коопсуздугу жана жоопкерчилиги толугу менен ата-энелерге же мыйзамдуу өкүлдөргө жүктөлөт. Бул маалымат түшүнбөстүктөрдү болтурбоо жана жашы жете электердин коопсуздугун камсыз кылуу максатында жүргүнчүлөргө жеткирилет.