16 наурыз – Наурызнама декадасы аясындағы Мәдениет және салт-дәстүр күніне орай Astana IT University-де ерекше мәдени іс-шара өтті. Университет қабырғасында Азербайжан Мамбетов атындағы театр ұсынған «Қажымұқан» спектакліне арналған пресс-тур ұйымдастырылды. Пресс-тур барысында қатысушылар қазақтың даңқты балуаны, Қажымұқан Мұңайтпасұлының өмірі мен ерлігін сахна арқылы тереңірек танып, ұлттық рухты сезінуге мүмкіндік алды. Театр ұжымы қойылымның мәні мен маңызы туралы бөлісіп, шығармашылық процестің қыр-сырымен таныстырды. Іс-шара студенттер мен қызметкерлер үшін мәдени мұраны дәріптеп, ұлттық құндылықтарға деген қызығушылықты арттыруға бағытталды. ✨ Ұлттық рух пен өнер тоғысқан тағылымды кездесу болды!