Бүгүн, биллэр общественник Дьулусхан Баппаҕай 70 сааһын туолар үбүлүөйдээх күнэ✅ Идэтинэн биология учуутала. Урут истэн эрэ билэр киһим этэ. Онтон, Хороҕо директордыырбар практик-учуутал буолан ураты уруоктардааҕын истэн биологияҕа эбии дьарык учууталынан ыҥыртым. Чахчы уруоктара ураты эбит этэ. Оҕолору кытары айылҕаҕа тахсан оту-маһы, үөнү-көйүүрү, сүүрэри-көтөрү тыынаахтыы көрөн үөрэнэллэрэ. Кыһын чуучула арааһын оҥорон оҕолорго көрдөрөр сэргэх учуутал👍 Үлэлии кэлэригэр биир көрдөһүүлээхпин диэбитэ, "уруокпар биир эмэ учуутал киирэн манаан олороро ордук, уубар-хаарбар киирдэхпинэ ону-маны саҥаран кээһиэхпин сөп, кэмигэр буойар киһи наада" диэбитэ😅. Баппаҕайга чэгиэн доруобуйаны, ураты оҥоһуктары күүтэбит🙌