“UZAUTO MOTORS” AJ ASAKA ZAVODIDA NAVRO‘Z BAYRAMI KENG NISHONLANDI “UzAuto Motors” AJ Asaka avtomobil zavodida Navro‘z umumxalq bayrami katta shukuh va ko‘tarinki kayfiyatda nishonlandi. Bayram doirasida zavod hududi milliy ruhda bezatilib, kuy-qo‘shiqlar, raqslar hamda bo‘lim va uchastkalar tomonidan tayyorlangan milliy dasturxonlar orqali xalqimizning boy urf-odatlari namoyon etildi. Xodimlar milliy liboslarda ishtirok etib, tadbirga alohida fayz bag‘ishlashdi. Zavod rahbariyati xodimlarni samimiy tabriklab, ularning mehnatini e’tirof etdi. Kasaba uyushmasi tomonidan 200 nafar xodimlar qimmatbaho sovg‘alar bilan taqdirlandi. Shuningdek, sport o‘yinlari va turli bellashuvlar tashkil etilib, faol ishtirokchilar esdalik sovg‘alari bilan rag‘batlantirildi. Navro‘z barchaga quvonch, baraka va ezgu tilaklar olib kelsin! 🌐 Veb sayt | 🔴 Instagram | 🔵 Facebook |🎥 YouTube| 🤖 Telegram Bot